Դոմինոյի ստրատեգիաները, որոնք կօգնեն արդյունքի հասնել

Դոմինոն ամենահայտնի և սիրված սեղանի խաղերից է, որում միշտ չէ, որ շահելը  կախված է բախտից։ Ինչպե՞ս մեծացնել ձեր և նվազեցնել մրցակիցների հաղթելու հնարավորությունները: Կան դոմինո խաղի ստրատեգիաներ, որոնք մեծապես կօգնեն այն խաղացողին, ով դրանք ակտիվորեն կիրառում է խաղի ընթացքում: Եկեք մոտիկից ծանոթանանք այս ամենին: 

Դոմինոյի հիմնական ստրատեգիան 

Խաղի համար նախատեսված ստանդարտ հավաքածուն պարունակում է քսանութ քար: Մեկ մաստում կա յոթ զույգ (օրինակ՝ 0-1, 1-1, 1-2, 1-3, 1-4, 1-5, 1-6): Ունենալով այս տեղեկատվությունը՝ դուք կարող եք մոտավորապես հաշվարկել մրցակցի մոտ եղած սալիկների քանակը: Ձեր մաթեմատիկական ունակությունները, ինչպես նաև ուշադրությունը ճանապարհ են դեպի ապագա հաղթանակները: 

Ցանկացած տեսակի դոմինո խաղալիս, որտեղ ամենաշատ միավորներ ունեցողը պարտվում է հանդիպման վերջում, ճիշտ մարտավարությունը մինիմալիզմն է։ Քանի դեռ պայքարը զարգանում է, նախ ազատվեք ամենաշատ կետերով քարերից: 

Նկատի ունեցեք, որ ցանկացած մաթեմատիկական օրենքով, այն խաղացողը, ով առաջինը սեղանին կդնի քարը, առաջինը կավարտի հանդիպումը: Բայց միայն այն դեպքում, եթե նա երբեք բաց չթողնի որևէ քայլ: Հետևաբար, միշտ ձգտեք կատարյալ խաղի և թույլ մի տվեք, որ ձեր հակառակորդը կատարյալ խաղա: 

Հավաքածուն պարունակում է 7 հատ դուբլ: Իհարկե, դուբլը նույն հնարավորությունները չի տալիս, ինչ օրինակ ջոկերը, բայց ունի նաև առավելություններ։ Եթե դուք ձեր ձեռքի տակ ունեք դուբլ և վստահ չեք, թե ինչ քայլ անել, ապա պարզապես ամեն ինչ թողեք անփոփոխ: Դոմինոյում կա այնպիսի բան, ինչպիսին է «դուբլվելը», այսինքն, դուբլի օգնությամբ ձեր խնդիրը տեղափոխվում է հակառակորդի ուսերին: Դա պետք է արվի ժամանակին, այլապես ուշ կլինի։ Հակառակորդը կարող է փակել դոմինոն նախքան «հարվածը վերցնելը»: Սա տհաճ իրավիճակ է, ուստի աշխատեք խուսափել դրանից։ Ավելի լավ է այս կերպ փչացնել հակառակորդի խաղը և ստիպել հենց նրան հայտնվել այդ իրավիճակում։ 

Պայքարը տպավորիչ կերպով ավարտելու բազմաթիվ եղանակներ կան: Բայց խաղն ավարտելու միակ միջոցը, երբ մասնակիցների ձեռքում հսկայական քանակությամբ սալիկներ կան՝ Ձկան օգնությամբ է: Ձուկ՝ իրավիճակ, երբ շղթայի երկու կողմերում կան նույն թվով կետերով քարեր, բայց խաղի մասնակիցներն այդքան կետերով սալիկներ չունեն: Օրինակ՝ եզրերին կան քառյակներ, այսինքն՝ հանդիպումը շարունակելու համար պետք է չորսով շարժվել։ Բայց ոչ ոք չի կարող դա անել, քանի որ բոլոր 7 քառյակներն արդեն լքել են խաղը: Նման իրավիճակում ձկան մասին հայտարարվում է, և բոլոր խաղացողները սկսում են հաշվել միավորները: Ամենաշատ միավորով խաղացողը պարտվում է ռաունդը: 

Արդյունավետ գաղտնիքներ

Եկեք քննարկենք դոմինոյի գաղտնիքները՝ օգտագործելով խաղի ամենահայտնի տարբերակի՝ Այծի օրինակը: Մասնակիցների խնդիրն է ազատվել բոլոր սալիկներից ավելի արագ, քան հակառակորդները կամ մնալ նվազագույն միավորներով։ Այծամարտի ժամանակ հետևեք հետևյալ խորհուրդներին. 

• Զույգով խաղալիս պետք է զուգընկերոջ հետ ներդաշնակված խաղալ: Իհարկե, արգելվում է բացահայտորեն տեղեկացնել զուգընկերոջը ձեր ունեցած դոմինոյի մասին, սակայն դրա համար կան պայմանական նշաններ, որոնք չեն համարվում խախտում։ 

• Դուք պետք է ուշադիր հետևեք, թե որ սալիկներն են ձեր հակառակորդները նետում: Երբ դրանց մեջ շատ դուբլեր կան, փորձեք դնել Ձուկ, բայց այս դեպքում դուք պետք է ունենաք նվազագույն միավորներ: 

• Խաղի սկզբից փորձեք դեն նետել ամենաշատ միավորներ ունեցող սալիկները, ինչպես նաև 0-0 դոմինոն, քանի որ խաղի շատ տարբերակներում հենց դա է ամենաշատ միավորները բերում: 

• Դիտեք ձեր հակառակորդների զգացմունքները, եթե խաղում եք օֆֆլայն՝ նյարդայնությունը կամ չափից ավելի ինքնավստահությունը կարող է ձեզ պատմել նրանց ձեռքերում ակնկալվող դասավորությունը: 

Միայն դոմինոյի կանոններն իմանալը բավարար չէ լավ դոմինո խաղալու և հաղթելու համար. դուք պետք է իմանաք խաղը ներսից: Ճիշտ կառուցված դոմինոյի տրատեգիաները հաղթանակի ապահով ճանապարհն է։ 

Մնեմոտեխնիկա և դոմինո

Դոմինո՝ ի՞նչ գիտենք մենք դրա մասին: Դրա ծագման (Հին Չինաստան) մասին քիչ գիտենք։ Հայտնի է, որ խաղի անվանումը կապ ունի վանականների թիկնոցի անվան հետ, որը մի կողմից սև էր, մյուս կողմից՝ սպիտակ։ Բացի այդ, բոլորը լսել են դոմինոյի էֆեկտի մասին, երբ մեկ իրադարձություն կամ երևույթ ենթադրում է մի շարք նմանատիպ իրադարձություններ։ Այսօր մենք ձեզ կպատմենք մի զարմանալի մարդու մասին, ով կարող է հիշել դոմինոյի հաջորդականությունը: Ֆենոմենալ հիշողություն ունեցող նման մարդկանց անվանում են մնեմոնիկներ։ Բնությունը նրանց պարգևել է հսկայական թվեր, դոմինոյի և քարտերի տարբեր համակցություններ հիշելու ունակություն: 2017 թվականին «Զարմանալի մարդիկ» նախագծի շրջանակներում, որին մասնակցում են տարբեր տաղանդներ ունեցող մարդիկ, հանդես եկավ մնեմոտեխնիկը, ով անգիր գիտեր 28 քարերից բաղկացած հաջորդականությունը, այսինքն՝ դոմինոյի մի ամբողջական հավաքածու։

Ինչպես է այդ ամենը տեղի ունեցել

Հեռուստատեսային շոուի մասնակցին տրվել է 2 րոպե՝ հիշելու քարերի հերթականությունը, մինչդեռ սեղանին դրված էին 2 նույնական հաջորդականություններ: Տղամարդուն կապեցին աչքերը, ինչից հետո մեկ հաջորդականություն շրջվեց, որպեսզի այնուհետև օգտագործվի դասավորության ճիշտությունը ստուգելու համար: Քարերի երկրորդ շարքը մանրակրկիտ խառնվեց։ Թվում է, թե ինչպես կարելի է հիշել ահռելի քանակությամբ միավորներ՝ որտեղ է 2-ը, որտեղ է 5-ը, ինչ կար վերևում և ինչն էր ներքևում: Իրականում այս առաջադրանքն անհնար է սովորական մարդու համար։ Պետք է  լինել ոչ միայն տաղանդավոր մասնագետ, այլև հարկավոր է անընդհատ մարզվել։ 

Հնարքի լուծումը 

Սակայն, ինչպես պարզվեց, առաջադրանքն ընդհանրապես դժվարություն չէր ներկայացնում մնեմոտեխնիկի համար։ Որովհետև իրականում քարերն ամենևին էլ պատահական չեն տեղադրվել։ Առաջինը նրանք էին, որոնց միավորների գումարը տաս էր` 5:5 և 6:4: Այնուհետև ութ արժեքով՝ 4:4, 5:3 և 6:2: Հետո՝ 6, հետո 4 և 2։ Սրանք զույգ թվեր էին։ Հավաքածուի երկրորդ մասը կետերի կենտ գումարով էր՝ 11-9-7-5-3-1։ 
Մենք չգիտենք՝ արդյոք նման դասավարվածությունը պատահական էր, թե ոչ։ Ամեն դեպքում՝ այսպես առաջադրանքը ավելի հեշտ տրվեց մասնակցին:  Անհրաժեշտ էր միայն հիշել կետերի գտնվելու վայրը յուրաքանչյուր փոքրիկ «բաժնի» ներսում։ Ցանկության դեպքում, հավանաբար, ցանկացած մեկը կարող է զվարճացնել հյուրերին նման հնարքով: